.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 92
Hüküm no: 56
Orijinal metin no: [32-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mâhi bt. Abdullah’ın arsasını Kalef v. Baroh’a sattığı

Havâss-ı aliyye kazâsına tâbi‘ Hasköy mahallâtından el-Hâc Şaban mahallesinde sâkine Mâhi bt. Abdullah nâm hâtun meclis-i şer‘-i hatîr-i lâzımü’t-tevkīrde Kalef v. Baroh nâm Yahudi muvâcehesinde bi’t-tav‘i’s-sâf ikrâr ve takrîr-i kelâm edip mahalle-i mezbûrede vâki‘ bir tarafı kendi mülküme ve bir tarafı müşterî-i mezbûre mülküne ve bir tarafı Derviş Mehmed mülküne muttasıl olan tûlen yirmi beş zirâ‘ mülk arz-ı hâliyemi merkūm Yahudiye nakd-i râyic fi’l-vakt [akçeye] bey‘i bâtt-ı sahîh-i şer‘î ile bey‘ edip kabz-ı semen-i ma‘dûd ve teslîm-i mebî‘-i mahdûd eyledim ba‘de’l-yevm zikr olunan arz-ı hâliye merkūm Yahudinin mülk-i müşterâsıdır keyfemâ yeşâ ve yehtâr mutasarrıf olsun dedikde mukırra-i merkūmenin ikrâr-ı meşrûhunu el-mukarru lehü’l-mezbûr bi’l-muvâcehe tasdîk edicek mâ hüve’l-vâki‘ bi’t-taleb ketb olundu. Tahrîren fî evâili Muharremi’l-harâm sene isneyn ve erba‘în ve’l-elf.


Şuhûdü’l-hâl: Ahmed Efendi [b.] Abdi el-İmâm, Mahmud Çelebi [b.] Mehmed serrâc, Mehmed Çelebi [b.] İsmail ve gayruhüm