.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 97
Hüküm no: 64
Orijinal metin no: [37-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Osman Bey b. Mustafa’nın câriyesi Mülâyim’i ölümüne bağlı tasarrufla azat ettiği (müdebber)

Havâss-ı aliyye kazâsına tâbi‘ Hasköy mahallâtından Ahmed Çelebi mahallesinde sâkin Osman Bey b. Mustafa nâm serrâc-ı hâssa meclis-i şer‘-i hatîr-i lâzımü’t-tevkīrde orta boylu açık kaşlı sarı elâ gözlü sarışın yüzünün sağ tarafında beni olup [Rû]siyyetü’l-asl Mülâyim bt. Abdullah nâm câriye-i memlûkesi mahzarında bi’t-tav‘i’s-sâf ikrâr ve takrîr-i kelâm edip câriye-i memlûkem olan mevsûfe-i mezkûreyi tedbîr-i mukayyed ile müdebber eyledim vefâtımdan kırk gün mukaddem sâir ahrâr-ı asliyyîn gibi hürre olsun dedikde mukırr-ı merkūmun ikrâr-ı meşrûhunu el-mukarru leha’l-mezbûre bi’l-muvâcehe tasdîk ve bi’l-müşâfehe tahkīk edicek alâ [38] mâ hüve’l-vâki‘ bi’t-taleb ketb olundu. Tahrîren fî evâsıtı Saferi’l-hayr sene 1043.


Şuhûdü’l-hâl: Ahmed Efendi b. Abdi el-İmâm, Mahmud Çelebi b. Mehmed serrâc, Mustafa Çelebi [b.] Halil serrâc, Hüseyin Bey [b.] Mehmed serrâc, Ahmed Bey [b.] Mehmed serbölük, Ahmed Bey [b.] Hasan el-Cündî, Fazlullah [b.] Mehmed, Abdi Bey [b.] Şaban serrâc