|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 97 Hüküm no: 65 Orijinal metin no: [38-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Osman Bey b. Mustafa’nın Rus asıllı kölesi Hüseyin’i ölümüne bağlı tasarrufla azat ettiği (müdebber)
Havâss-ı aliyye kazâsına tâbi‘ Hasköy mahallâtından Ahmed Çelebi mahallesinde sâkin Osman Bey b. Mustafa nâm serrâc-ı hâssa meclis-i şer‘-i hatîr-i lâzımü’t-tevkīrde işbu râfi‘ü’l-kitâb açık kaşlı sarı elâ gözlü alt çenesinde? eser-i cerh olan Rûsiyyü’l-asl Hüseyin b. Abdullah nâm emredi mahzarında bi’t-tav‘i’s-sâf ikrâr ve takrîr-i kelâm edip abd-i memlûkem olan mevsûf-ı mezkûru tedbîr-i mukayyed [ile] müdebber eyledim vefâtımdan kırk gün mukaddem sâir ahrâr-ı asliyyîn gibi hür olsun dedikde mukırr-ı merkūmun ikrâr-ı meşrûhunu el-mukarru lehü’l-mezbûr bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâsıtı Saferi’l-hayr sene 1043.
Şuhûdü’l-hâl: Mahmud Çelebi b. Mehmed serrâc, Hüseyin Bey [b.] Mehmed serrâc, Halil [b.] Mustafa serrâc, Ahmed Bey b. Mehmed serbölük, Ahmed Bey [b.] Hasan el-Cündî
|