.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 103
Hüküm no: 74
Orijinal metin no: [44-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Estâre bt. Mosi’nin Rus asıllı câriyesi Roçoka bt. Ebderiye’yi azat ettiği

Havâss-ı aliyye kazâsına tâbi‘ Hasköy[‘de] sâkine Estâre bt. Mosi nâm Yahudiyye meclis-i ( ) şerîfde silk-i mülkünde münselik olan orta boylu açık kaşlı sarı elâ gözlü sol elinde eser-i cerh olan Rûsiyyetü’l-asl Roçoka bt. Ebderiye nâm câriye-i memlûkesinin muvâcehesinde ikrâr-ı sahîh-i şer‘î ve i‘tirâf-ı sarîh-i mer‘î edip câriye-i memlûkem olan mevsûfe-i mezkûreyi bi-niyyetin hâlisatin vâfiretin ve taviyyetin tayyibetin sâfiye hasbeten lillâhi’l-hallâk tahrîr-i i‘tâk ve mülkümden âzâd ve ihrâc ve silk-i ahrâr-ı asliyyîne indirâc eyledim ba‘de’l-yevm mezbûr[e] Roçoka sâir ahrâr-ı asliyyîn gibi hürre olup sâir mevâlî için şer‘an sâbit olan hakk-ı velâdan gayrı hakkım kalmadı dedikde gıbbe’t-tasdîki’l-vicâhî [mâ hüve’l-vâki‘ bi’t-taleb ketb olundu.] Tahrîren fî evâhiri Muharremi’l-harâm sene erba‘a ve erba‘în ve elf.


Şuhûdü’l-hâl: Mehmed Çavuş [b.] Abdullah, Ali Beşe [b.] Abdullah, Mihal v. Yani, Abraham v. Sena…?