.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 104
Hüküm no: 76
Orijinal metin no: [45-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Emircan v. Ümid adlı Ermeni’nin Eğin’deki bağını Aslan v. Serkis’e sattığı

Vilâyet-i Anadolu’da vâki‘ Arapgir sancağınd[a] kasaba-i Eğin sükkânından Emircan v. Ümid nâm Ermeni meclis-i şer‘-i hatîr-i lâzımü’t-tevkīrde işbu râfi‘ü’l-kitâ[b] Aslan v. Serkis nâm Ermeni mahzarında ikrâr ve takrîr-i kelâm edip kasaba-i mezbûrede vâki‘ bir tarafı bâyi‘-i mezbûr bağı ve bir tarafı müşterî-i merkūm bağı ve bir tarafı Ferahzad v. Bağik bağı ve bir tarafı vâdi ile mahdûd ve mümtâz olan bir kıt‘a mülk bağımı mezbûr Aslan’a kırk riyâlî guruşa bey‘-i bâtt-ı sahîh-i şer‘î ile bey‘ edip kabz-ı semen-i ma‘dûd ve mebî‘-i mezbûru mahallinde kabza taslît eyledim ba‘de’l-yevm [46] zikr olunan bir kıt‘a bağı mezbûr Aslan’ın mülk-i müşterâsıdır keyfemâ yeşâ ve yehtâr mutasarrıf olsun dedikde mukırr-ı merkūmun ikrâr-ı meşrûhunu el-mukarru lehü’l-mezbû[r] Asla[n] bi’l-muvâcehe [tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu.] Tahrîren fî evâili Rebî‘ilevvel sene 1044.


Şuhûdü’l-hâl: Murad b. Abdullah, Serkis v. Latef, Sahet v. Latef, Arslan v. Nerahsat, Timur v. Badroz, Asnor v. Serkis, Gazal v. Yakob, Hatar v. Cânek, Yakob v. Murad, Hanem v. Latef ve gayruhüm