|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 105 Hüküm no: 77 Orijinal metin no: [46-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Mehmed Efendi b. Ali Efendi’nin câriyesi Rus asıllı Saliha’yı azat ettiği
Havâss-ı aliyye kazâsına tâbi‘ Hasköy mahallâtından Pîrî Paşa mahallesinde hadîkası olan umdetü’l-müderrisîni’l-kirâm zahrü’l-muhaddidîni’l-fihâm? Mehmed Efend[i] b. el-merhûm Ali Efendi meclis-i şer‘-i hatîr-i lâzımü’t-tevkīrde gök gözlü açık kaşlı sarışın Rûsiyyetü’l-asl Saliha bt. Rüstem nâm câriye-i memlûkesinin muvâcehesinde ikrâr-ı sahîh-i şer‘î ve i‘tirâf-ı sarîh-i mer‘î edip câriye-i memlûkem olan mevsûfe-i mezkûreyi bi-niyyetin hâlisatin vâfiretin ve taviyyetin tayyibetin sâfiye ile hasbeten lillâhi’l-hallâk tahrîr ve i‘tâk ve mülkümden âzâd ve ihrâc ve sâir ahrâr-ı asliyyîne indirâc eyledim ba‘de’l-yevm mezbûr[e] Saliha sâir ahrâr-ı asliyyîn gibi hürre olup sâir mevâlî için şer‘an sâbit olan hakk-ı velâdan gayrı hakkım kalmadı dedikde gıbbe’t-tasdîki’l-vicâhî mâ hüve’l-vâki‘ bi’t-taleb ketb olundu. Tahrîren [fî] evâili Rebî‘ilevvel sene erba‘a ve erba‘în ve elf.
Şuhûdü’l-hâl: ( ) [Derkenâr] Ve fîhi nazar
|