|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 105 Hüküm no: 78 Orijinal metin no: [46-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Rus asıllı Zamâne adlı câriyenin azat edildiği
Havâss-ı aliyye kazâsına tâbi‘ Hasköy mahallâtından Sütlüce mahallesinde sâkine Emine bt. ( ) nâm hâtun meclis-i şer‘-i hatîr-i lâzımü’t-tevkīrde orta boylu gök elâ gözlü sarışın Rûsiyyetü’l-asl Zamâne bt. Abdullah nâm câriye-i memlûkesinin muvâcehesinde ikrâr-ı sahîh-i şer‘î ve i‘tirâf-ı sarîh-i mer‘î edip câriye-i memlûkem olan mevsûfe-i mezkûreyi [47] bi-niyyetin hâlisatin vâfiretin ve taviyyetin tayyibetin sâfiye ile hasbeten lillâhi’l-hallâk tahrîr ve i‘tâk ve mülkümden âzâd ve ihrâc ve silk-i ahrâr-ı asliyyîne indirâc eyledim ba‘de’[l-yev]m mezbûre Zamâne sâir ahrâr-ı asliyyîn gibi hürre olup sâir mevâlî için şer‘an sâbit olan hakk-ı velâdan gayrı hakkım kalmadı dedikde gıbbe’t-tasdîki’l-vicâhî mâ hüve’l-vâki‘ bi’t-taleb ketb olundu. Tahrîren fî evâili Rebî‘ilevvel sene erba‘a ve erba‘în ve elf.
Şuhûdü’l-hâl: ( )
|