.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 107
Hüküm no: 80
Orijinal metin no: [48-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Harsozki v. Antuvan’ın Ahmed Ağa b. Mehmed’e olan borcunun bir kısmını ödediği, kalan miktarın sekiz ay sonunda ödeneceği

Mahmiye-i Galata hâricinde Kalafatçı mahallesi sükkânından Harsozki v. Antuvan nâm zimmî meclis-i şer‘-i hatîr-i lâzımü’t-tevkīrde işbu râfi‘ü’l-kitâb Dergâh-ı âlî mahfûfen bi’l-me‘âlî kapıcıbaşılarından fahrü’l-emâcid ve’l-ekârim câmi‘ü’l-mehâsin ve’l-mekârim [49] Ahmed Ağa b. Mehmed mahzarında bi’t-tav‘i’s-sâf ikrâr ve takrîr-i kelâm edip deyn-i şer‘îden olup târih-i kitâbdan beş sene mukaddem zimmetimde edâsı lâzım olan bin iki yüz elli riyâlî guruşun iki yüz elli riyâlî guruşunu edâ ve teslîm eylediğimden sonra zimmetimde bâkī kalan bin riyâlî guruşu mezbûr Ahmed Ağa’ya vâcibü’l-kazâ deynim olup edâsı târih-i kitâb şehri gurresinden sekiz ay tamâmına değin müeccel eyledik dedikde gıbbe’t-tasdîki’l-vicâhî mâ hüve’l-vâki‘ bi’t-taleb ketb olundu. Tahrîren fi’l-yevmi’s-sâdis ve’l-ışrîn min Rebî‘ilevvel sene erba‘a ve erba‘în ve elf.


Şuhûdü’l-hâl: Receb Efendi [b.] Hasan el-kadı, Mustafa Çelebi [b.] Halil serrâc, Ömer Bey b. Mustafa es-Serrâc, Hüseyin Bey [b.] Abdullah, Hüseyin Beşe b. Abdullah er-Râcil, el-Hâc Behmen [b.] Abdullah, Mehmed Bey b. Mustafa bevvâb-ı sultânî, Mehmed Çavuş [b.] Abdullah, Ali b. Abdullah, Mihal v. Yani, Kostantin [v.] Monol ve gayruhüm