|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 107 Hüküm no: 81 Orijinal metin no: [49-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Avraham v. Hayem ile kardeşlerinin Otine adlı câriyeyi azat ettikleri
Havâss-ı aliyye kazâsına tâbi‘ Hasköy sükkânından olup Yahudi tâ’ifesinden Avraham v. Hayem nâm Yahudi kendi tarafından asâleten ve karındaşları İsak ve Danyel ve Mosi taraflarından vekâleten meclis-i şer‘-i şerîf-i lâzımü’t-teşrîfde silk-i mülkümüzde münselik olan orta boylu açık kaşlı sarışın elâ gözlü Koroniyyetü’l-asl Otine bt. Bevân? nâm câriye-i memlûkesinin muvâcehesinde ikrâr-ı sahîh-i şer‘î ve i‘tirâf-ı sarîh-i mer‘î edip câriye-i memlûkem olan mevsûfe-i mezkûreyi niyyet-i hâlisa-i vâfire ve taviyye-i tayyibe-i sâfiye ile hasbeten lillâhi’l-hallâk tahrîr ve ve ıtlâk ve mâlımdan âzâd ve ihrâc ve sâir ahrâr-ı asliyyîne indirâc eyledim ba‘de’l-yevm mezbûr Otine sâir ahrâr-ı asliyyîn gibi [50] hürre olup sâir mevâlî için şer‘an sâbit olan hakk-ı velâdan gayrı hakkım kalmadı dediklerinde gıbbe’t-tasdîki’l-vicâhî mâ hüve’l-vâki‘ bi’t-taleb ketb olundu. Tahrîren fi’l-yevmi’l-ışrîn min Rebî‘ilâhir sene erba‘a ve erba‘în ve elf.
Şuhûdü’l-hâl: ( )
|