.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 108
Hüküm no: 82
Orijinal metin no: [50-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Saliha bt. İlyas’ın Büyük Tâye adıyla bilinen Rus asıllı câriyesini azat ettiği

Havâss-ı aliyye kazâsına tâbi‘ Hasköy’de sâkine fahrü’l-muhadderât Saliha bt. Şeyh İlyas nâm hâtun meclis-i şer‘i’ş-şerîf-i lâzımü’t-teşrîfde silk-i mülkümde münselik olan orta boylu açık kaşlı sarı elâ gözlü ve sol elinin orta parmağında eser-i cerh ve sol kolunda eser-i cerh ve sağ gözünde eser-i cerhi olan Rûsiyyetü’l-asl Büyük Tâye demekle ma‘rûf câriye-i memlûkesinin muvâcehesinde ikrâr-ı sahîh-i şer‘î ve i‘tirâf-ı sarîh-i mer‘î edip câriye-i memlûkem olan mevsûfe-i mezkûreyi bi-niyyetin hâlisatin vâfiretin ve taviyyetin tayyibetin sâfiye ile hasbeten lillâhi’l-hallâk tahrîr ve i‘tâk ve mülkümden âzâd ve ihrâc ve sâir ahrâr-ı asliyyîne indirâc eyledim ba‘de’l-yevm mezbûre Büyük [Tâye] sâir ahrâr-ı asliyyîn gibi hürre olup sâir mevâlî için şer‘an sâbit olan hakk-ı velâdan gayrı hakkım kalmadı dedikde gıbbe’t-tasdîki’l-vicâhî mâ hüve’l-vâki‘ bi’t-taleb ketb olundu. Tahrîren fî e[vâ]ili şehri Rebî‘ulâhir sene ( ). [Şuhûdü’l-hâl:] ( ) [Derkenâr] Ve fîhi nazar