.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 112
Hüküm no: 88
Orijinal metin no: [55-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mustafa Ağa b. Ali’nin Küçük Tâye diye bilinen câriyesini azat ettiği

Havâss-ı aliyye kazâsına tâbi‘ Hasköy kurbunda Hadîka-i sultâniye’de bi’l-fi‘il üstâd olan fahrü’l-akrân Mustafa Ağa b. Ali meclis-i şer‘-i hatîr-i lâzımü’t-tevkīrde silk-i mülkünde münselik olan orta boylu açık kaşlı gök elâ gözlü başının sağ tarafında eser-i cerhi olan Küçük Tâye demekle ma‘rûf câriye-i memlûkesinin muvâcehesinde ikrâr-ı sahîh-i şer‘î ve i‘tirâf-ı sarîh-i mer‘î edip câriye-i memlûkem olan mevsûfe-i mezkûreyi bi-niyyetin hâlisatin vâfiretin [56] ve taviyyetin tayyibetin sâfiye ile hasbeten lillâhi’l-hallâk tahrîr ve i‘tâk ve mülkümden âzâd ve ihrâc ve silk-i ahrâr[a] indirâc eyledim ba‘de’l-yevm mezbûre Küçük Tâye sâir ahrâr-ı asliyyîn gibi hürre olup sâir mevâlî için şer‘an sâbit olan hakk-ı velâdan gayrı hakkım kalmadı dedikde gıbbe’t-tasdîki’l-vicâhî mâ hüve’l-vâki‘ bi’t-taleb ketb olundu. Tahrîren fî evâili Rebî‘ilevvel sene hamsîn ve erba‘în ve elf.


Şuhûdü’l-hâl: Eş-Şeyhü’l-azîz Mehmed Efendi, eş-Şeyh Abdullah b. Mehmed, Mehmed Efendi [b.] Memiş, Osman Çavuş [b.] Ali, Mahmud çorbacı