|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 116 Hüküm no: 94 Orijinal metin no: [60-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Yorgi v. Yani’nin yanında bir yıl çalıştığı kiremitçi Mihal v. Yani’den hizmet bedelinin tamamını tahsil ettiği
Vilâyet-i Rumeli’nde vâki‘ Vize kazâsına tâbi‘ Penbe nâm karye sükkânından Yorgi v. Yani nâm zimmî meclis-i şer‘-i şerîf-i lâzımü’t-teşrîfde Havâss-ı aliyye kazâsına tâbi‘ Hasköy’de sâkin olup kiremitçi tâ’ifesinden Mihal v. Yani nâm zimmî mahzarında bi’t-tav‘i’s-sâf ikrâr ve takrîr-i kelâm edip bundan akdem mezbûr Mihal’in kiremit fırınında kiremit işleyip ve bir sene mikdârı sâir hizmetinde olmuşdum el-hâletü hâzihî zikr olunan işlediğim kiremit akçesini ve sâir hizmetim mukābelesinde olan akçeyi mezbûr Mihal yedinden bi’t-tamâm ahz u kabz edip zimmetinde bir akçe ve bir habbe hakkım kalmadı dedikde mukırr-ı merkūmun ikrâr-ı meşrûhunu el-mukarru lehü’l-mezbûr Mihal bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâsıtı Cumâdelâhire li sene hamsîn ve erba‘în ve elf.
Şuhûdü’l-hâl: Mahmud Çelebi b. Mehmed es-Serrâc, Ali Çelebi b. Ramazan, Derviş Beşe b. Abdullah er-Râcil, Hüseyin Beşe [b.] Abdullah berber, Yusuf Beşe [b.] Abdullah, Mihal v. Mercan, Nikola v. Andriye, Murad v. Fedi, Dimitri v. Kosta
|