.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 117
Hüküm no: 96
Orijinal metin no: [61-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Andon v. Petro’nun İspolot’taki alacağının tahsili için Yani’yi vekîl tayin ettiği

Havâss-ı aliyye kazâsına tâbi‘ Hasköy sükkânından Andon v. Petro nâm zimmî meclis-i şer‘-i hatîr-i lâzımü’t-tevkīrde Yani v. Lombarono nâm zimmî mahzarında takrîr-i kelâm edip İspolot nâm zimmî zimmetinde cihet-i karz-ı şer‘îden olan on altı bin beş yüz akçe hakkımı da‘vâya ba‘dehû kabz ve bana îsâle mezbûr Yani’yi vekîl ve münâza‘aya nâib nasb eyledim dedikde mezbûr Yani dahi vekâlet-i merkūmeyi kabûl ve hizmet-i lâzımesini edâya ta‘ahhüd edicek mâ hüve’l-vâki‘ bi’t-taleb ketb olundu. Tahrîren fi’l-yevmi’s-sânî ve’l-ışrîn min Recebi’l-ferd li sene hamsîn ve erba‘în ve elf.


Şuhûdü’l-hâl: Anaspaneş v. İstefani, Kosta v. Yorgi, Yani v. Nikola ve gayruhüm