.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 123
Hüküm no: 106
Orijinal metin no: [67-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Sultane bt. Mihal’in, kız kardeşi Ödege ile ortak olduğu mülk evdeki hissesini kız kardeşine sattığı

Mahmiye-i İstanbul’da vâki‘ Mustafa Paşa-yı Atîk mahallesinde sâkine Sultane bt. Mihal nâm zimmîyye meclis-i şer‘-i hatîr-i lâzımü’t-tevkīrde li ebeveyn kız karındaşı Ödege nâm zimmîyye mahzarında bi’t-tav‘i’s-sâf ikrâr ve takrîr-i kelâm edip yine mahalle-i mezbûrede vâki‘ bir tarafı Yani v. Yorgi mülkü ve bir tarafı Dimitri v. Papas mülkü ve bir tarafı vakıf bostan ve bir tarafı tarîk-i hâs ile mahdûd ve mümtâz olan mülk menzi[lini] merkūme Ödege nâm zimmîyye ile ale’l-iştirâki’s-seviy mutasarrıfa olduğumuz menzilden nısf hisse-i şâyi‘amı merkūme Ödege’ye nakd-i râyic fi’l-vakt üç bin altı yüz akçeye bey‘-i bâtt-ı sahîh-i şer‘î ile bey‘ edip kabz-ı semen-i ma‘dûd ve teslîm-i mebî‘-i mahdûd eyledim ba‘de’l-yevm zikr olunan menzil mezbûre Ödege nâm zimmîyyenin mülk-i müşterâsıdır keyfe mâ teşâ ve tahtâr mutasarrıfa olsun dediklerinde mukırra-i merkūmenin ikrâr-ı meşrûhasını el-mukarru leha’l-mezbûre Ödege nâm zimmîyye bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâsıtı Şevvâli’l-mükerrem li sene hamsîn ve erba‘în ve elf.


Şuhûdü’l-hâl: ( )