|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 123 Hüküm no: 107 Orijinal metin no: [67-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Himmet b. Mehmed’in evini Hüseyin Bey b. Habib’e sattığı
Havâss-ı aliyye kazâsına tâbi‘ Hasköy mahallâtından Keçeciler mahallesinde sâkin Himmet b. Mehmed nâm kimesne meclis-i şer‘-i hatîr-i lâzımü’t-tevkīrde işbu râfi‘ü’l-kitâb Hüseyin Bey b. Habîb nâm kimesne mahzarında ikrâr ve takrîr-i kelâm edip mahalle-i mezbûrede vâki‘ iki tarafı Mehmed b. Mustafa mülkü ve bir tarafı bâyi‘-i mezbûr mülkü ve bir tarafı tarîk-i âm ile mahdûd ve mümtâz olan bir bâb tahtânî menzilimi mezbûr Hüseyin Bey’e nakd-i râyic fi’l-vakt üç bin beş yüz akçeye bey‘-i bâtt-ı sahîh-i şer‘î ile bey‘ edip kabz-ı semen-i ma‘dûd ve teslîm-i mebî‘-i mahdûd eyledim ba‘de’l-yevm zikr olunan menzil merkūm Hüseyin Bey’in mülk-i müşterâsıdır keyfemâ yeşâ ve yehtâr mutasarrıf olsun dedikde mukırr-ı merkūmun ikrâr-ı meşrûhunu el-mukarru lehü’l-mezbûr Hüseyin Bey bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâili Zilka‘deti’ş-şerîfe li sene hamsîn ve erba‘în ve elf. [68]
Şuhûdü’l-hâl: Mustafa Halîfe b. Surûrî el-İmâm, Ömer Beşe b. Mustafa, Bayram Çelebi b. Veli, Mehmed b. Ali, Mustafa b. Yakub
|