.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 127
Hüküm no: 112
Orijinal metin no: [71-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Avraham v. Yasef’in Senan v. Hayem’e emânet verdiği para ile eşyalarını teslim aldığı

Küreci tâ’ifesinden Avraham v. Yasef nâm Yahudi meclis-i şer‘-i hatîr-i lâzımü’t-tevkīrde işbu râfi‘-i hâze’s-sifr Senan v. Hayim nâm Yahudi mahzarında ikrâr ve takrîr-i kelâm edip bundan akdem beş yüz riyâlî guruş ile üç aded gümüş tas mezbûr Senan’ın yedine emânet vaz‘ eylemişdim el-hâletü hâzihî zikr olunan beş yüz riyâlî guruşu ve üç aded gümüş tası mezbûr Senan yedinden bi’t-tamâm ve’l-kemâl ahz u kabz eyledim zimmetinde bir şeyim kalmadı dedikde mukırr-ı merkūmun ikrâr-ı meşrûhunu el-mukarru lehül-mezbûr Senan bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fi’l-yevmi’t-tâsi‘ aşer min Muharremi’l-harâm sene 1046.


Şuhûdü’l-hâl: Mehmed Çelebi b. Mustafa el-İmâm, Mahmud Çelebi b. Mehmed es-Serrâc, Mehmed Halîfe b. İbrahim el-Müezzin, el-Hâc Behmen [b.] Abdullah ve gayruhüm