|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 128 Hüküm no: 113 Orijinal metin no: [71-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Vefat eden Ahmed Bey b. Süleyman’ın iki yetimi için nafaka tayini
Hâkim-i muvakki‘-i a‘lâhunun imzâ-yı şerîf-i müstetâbı ile imzâlı bu vesîka ile hâmil-i hâze’l-kitâb bundan akdem vefât eden Ahmed Bey b. Süleyman’ın iki küçük oğlu Mehmed ve Hasan’ın Eyyûb el-Ensârî [tevâbi‘inden] Hasköy mahallâtından Ahmed Çelebi mahallesinde sâkin olan anneleri Hatice bt. Rıdvan’ın talebi ile hacr ve terbiyesindeki sagīreyn-i mezbûreynin kisveleri ve sâir havâyic-i zarûriyeleri için târih-i kitâbdan i‘tibâren her günde on iki akçe fıddî Osmânî nafaka farz ve takdîr edilip vakt-i zarûretde istidâneye [72] ve inde’z-zafer rücû‘a izn-i sahîh-i şer‘î verildi. Cerâ zâlike ve hurrire fî evâili Muharremi’l-harâm li sene sittin ve erba‘în ve elf.
Şuhûdü’l-hâl: ( )
|