|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 131 Hüküm no: 118 Orijinal metin no: [74-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Lambo köyünde toprak sahibi olan Giko’nun örfî vergi vermekle mükellef olduğu
Vilâyet-i Rumeli’nde Avlona sancağında Ergirikasrı kazâsına tâbi‘ Lambo nâm karye sükkânından Giko v. İstori nâm zimmî meclis-i şer‘-i hatîr-i lâzımü’t-tevkīrde yine karye-i mezbûre sükkânından Yani v. Şuğla? ve Yaki v. Kotla ve Londa? v. Yorgi ve Neveke? v. Giro ve Duka v. Seto? ve Todori v. Giro ve Göni v. Yani ve Yani v. Hristo ve Nikola v. Duka ve Yani v. Çömi? ve sâirleri mahzarlarında takrîr-i [76] kelâm edip bu âna gelince karye-i mezbûrede tekâlîf-i örfiyye îcâb eder emlâkim olmamağla vâki‘ olan tekâlîf için bir akçe ve bir habbe vermez idim hâlen karye-i mezbûrede emlâkim olup zirâ‘at ve hirâset üzre olmağla ba‘de’l-yevm vâki‘ olan tekâlîf-i örfiyyeyi mezbûrlar ile ma‘an edâya müte‘ahhid oldum dedikde mezbûrun takrîrini merkūmlar talebi ile ketb olunup yed-i tâlibe def‘ olundu. Tahrîren fî evâhiri Zilka‘deti’ş-şerîfe li sene hamsîn ve erba‘în ve elf.
Şuhûdü’l-hâl: Kosta v. Dimo, Kiro v. Andriye, İstat v. Dimo, Dido v. Kolo?, Kike v. Koned, Dimo v. Nikola
|