.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 132
Hüküm no: 119
Orijinal metin no: [75-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Pîrî b. Rıdvan ile Hüseyin b. Pîrî’nin evlerinin saçağı altında kalan boş arsayı komşuları Yahuda’ya sattıkları

Havâss-ı aliyye kazâsına tâbi‘ Hasköy mahallâtından Pîrî Paşa mahallesinde sâkin Pîrî b. Rıdvan ve Hüseyin b. Pîrî nâm kimesneler meclis-i şer‘-i hatîr-i lâzımü’t-tevkīrde işbu râfi‘-i hâze’s-sifr Yahuda v. Avraham nâm Yahudi mahzarında bi’t-tav‘i’s-sâf ikrâr ve takrîr-i kelâm edip mahalle-i mezbûrede vâki‘ mülk menzilimizin bir tarafı mezbûr Yahudinin mülk menzili olmağın mârrü’z-zikr mezbûr Yahudi tarafında vâki‘ olan tûlen on beş ve arzan altı parmak saçağımız altında olan arz-ı hâliyemizi mezbûr Yahuda’ya nakd-i râyic fi’l-vakt sekiz yüz akçeye bey‘i bâtt-ı sahîh-i şer‘î ile bey‘ edip kabz-ı semen-i ma‘dûd ve teslîm-i mebî‘-i mahdûd eyledik ba‘de’l-yevm zikr olunan saçağının altı mezbûr Yahuda’nın mülk-i müşterâsıdır keyfemâ yeşâ ve yehtâr mutasarrıf olsun dediklerinde mukırrân-ı merkūmânın ikrâr-ı meşrûhunu el-mukarru lehü’l-mezbûr Yahuda bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâsıtı Saferi’l-hayr li sene sittin ve erba‘în ve elf.


Şuhûdü’l-hâl: ( )