|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 133 Hüküm no: 122 Orijinal metin no: [77-2, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Yahuda v. Avraham’ın Lazar v. Yasef’i evini ve bahçesini satmak için vekîl tayini
Bu bir hüccet-i sahîhdir ki zikr olunduğunda mazmûnu ile amel olunur. Ta‘rîf ve tahrîfden korunmuş olan meclis-i şer‘-i şerîf ve mahfil-i dîn-i münîfde Havâss-ı aliyye kazâsına tâbi‘ Hasköy nâm karye sâkinlerinden Haron v. Karon ve Salamon v. Yako nâm Yahudiler gıbbe’l-istişhâd husûs-ı âti’l-beyâna hâmil-i hâze’l-kitâb karye-i merkūmede sâkin Lazar v. Yasef hasm-ı şer‘î-i câhid mahzarında hâzır olup Yahuda v. Avraham nâm Yahudi, hakkında şâhidlik edilen mezbûr Lazar’ı karye-i mezbûrede vâki‘ menzilini ve bahçesini bey‘ ve semenini kabz ve kendisine îsâle ve kabz ve îsâlin gerekdirdiği bütün işleri yapmak üzre vekîl ta‘yîn edip kendi yerine nâib-i menâb eyledikde ol dahi vekâlet-i merkūmeyi kabûl edip gereğini yapmayı kabûl-i sahîh-i şer‘î ile iltizâm ettiğine mer‘î olan kabûl şerâ’itini icrâ ettikden sonra makbûle olan şehâdet-i sahîha-i şer‘iyye ile şehâdet ettiler. Cerâ zâlike ve hurrire fi’l-yevmi’s-sâmin min Saferi’l-hayr li sene seb‘in ve erba‘în ve elf.
Şuhûdü’l-hâl: Ali Beşe b. Abdullah, Abdünnebi b. Veli, Mahmud b. Hasan, Mustafa b. Halil es-serrâcü’s-sultânî, Mahmud b. Mirza, Mehmed b. Muslihiddin es-serrâcü’s-sultânî, Mehmed b. Muslihiddin el-bevvâbü’s-sultânî
|