|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 137 Hüküm no: 129 Orijinal metin no: [80-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Dimitri v. İstemad’ın İlya v. Yani’ye olan borcunu ödemesi gerektiği
Oldur ki Hasköy sükkânından İlya v. Yani nâm zimmî meclis-i şer‘-i şerîfe Dimitri v. İstemad nâm zimmîyi ihzâr ve mahzarında takrîr-i da‘vâ edip mezbûr Dimitri’de cihet-i karzdan üç yüz elli akçe hakkım vardır suâl olunup alıverilmesin taleb ederin dedikde, gıbbe’s-suâl ve akībe’l-inkâr merkūm İlya’dan da‘vâsına mutâbık beyyine taleb olundukda ityân-ı beyyineden izhâr-ı acz edip mezbûr Dimitri’nin zimmetinde cihet-i karzdan üç yüz elli akçe hakkım olmadığına yemîn verilsin dedikd[e] gıbbe’l-istihlâf merkūm Dimitri yemînden nükūl etmeğin meblağ-ı mezbû[ru]n edâsına hükm olunup mâ vaka‘a bi’t-taleb ketb olundu. Tahrîren fi’l-yevmi’s-sâmin min Cumâdelâhire li sene seb‘in [ve] erba‘în ve elf.
Şuhûdü’l-hâl: Mustafa b. Mehmed, Mustafa b. Receb
|