.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 139
Hüküm no: 134
Orijinal metin no: [82-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Başkasına ait kayığı Salim b. Ali’ye satan Seyyid Mustafa’nın satış bedelini iadesi

Budur ki Galata sâkinlerinden Salim b. Ali meclis-i şer‘-i şerîfe Hasköy sâkinlerinden Seyyid Mustafa b. Nebi’yi ihzâr ve mahzarında takrîr-i da‘vâ edip mezbûr Seyyid Mustafa târih-i kitâbdan üç ay mukaddem bana bir dört kürek kayığı altı yüz akçeye bey‘ edip ben dahi teslîm-i semen etmiş idim, şimdi mezbûr kayık müstehık çıkıp sâhibi olan Mercan nâm kimesne ba‘de’l-isbât yedimden ahz eyledi, bahâsı olan altı yüz akçenin suâl olunup alıverilmesi matlûbumdur dediğinde, gıbbe’s-suâl mezbûr Seyyid Mustafa cevâbında fi’l-hakīka kayık müstehık çıkıp sâhibi mezbûr Mercan ahz eyledi ve ben dahi haberi ve rızâsı yoğiken sattım deyû ikrâr ettikde, meblağ-ı merkūm altı yüz akçeyi merkūm Salim’e red etmesi için hükm olunup mâ vaka‘a bi’t-taleb ketb olundu. Tahrîren fi’l-yevmi’s-sânî aşer min Cumâdelâhire li sene seb‘in ve erba‘în ve elf.


Şuhûdü’l-hâl: Mustafa b. Mehmed, Mustafa b. Receb, Mustafa b. Abdullah