|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 140 Hüküm no: 135 Orijinal metin no: [82-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Şahsın mahkemeye gelmesine kefil olma
Kostantin v. Apostol ve Yuvan v. Mesre nâm zimmîler meclis-i şer‘-i şerîfde hâmil-i hâze’l-kitâb Porkob? v. Yani nâm zimmî mahzarında takrîr-i kelâm edip işbu meclis-i şer‘-i şerîfde hâzır olan Yunaşko v. Halan nâm zimmîden mezbûr Porkob bir don ve bir gömlek ve bir beyaz Bogasi ve bir penbe diz çakşırı ve bir tor kuşak ve sâir emti‘a bahâsından iki bin akçe da‘vâ eder, eğer şer‘an isbât etmek isteyip şer‘-i mutahhara ihzâr lâzım gelip nefsi taleb olunursa, mezbûr Yunaşko’nun nefsine ve hîn-i mütâlebede ihzârına emr ve kabûlü hâviye kefâlet ile kefîl olduk dediklerinde merkūm Porkob talebiyle ketb ü imlâ olundu. Tahrîren fi’l-yevmi’r-râbi‘ aşer min şehri Cumâdelâhire li sene seb‘in ve erba‘în ve elf.
Şuhûdü’l-hâl: Mustafa b. Mehmed, Mustafa b. Receb
|