|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 140 Hüküm no: 136 Orijinal metin no: [83-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Hacı Muzaffer Bey’in Hanes v. Emircan’a kiremit ve tuğla satıp bedelini tahsil ettiği
Hasköy sâkinlerinden Muzaffer Bey b. Abdullah nâm kimesne meclis-i şer‘-i şerîfde yine karye-i mezbûre sükkânından hâmil-i hâze’l-kitâb Hanes v. Emircan nâm zimmî mahzarında takrîr-i kelâm edip karye-i mezbûre kurbunda Dere demekle ma‘rûf mevzi‘deki kiremit fırınımda olan çiğ kiremit ve tuğlamdan bin kırk yedi Muharremü’l-harâmının gurresinden dört kat beylik nîme ve bir kat beylik çarşı ve bir kat topaç tuğlayı ve dört kat dahi kiremit ve bunlardan gayrı fırın dolunca harcı tuğlayı ki mecmû‘u bir fırın dolusu olup kiremitçiler ıstılâhında bir keyl ıtlâk olunur, mezbûr Hanes’e tarafeynden îcâb ve kabûlü hâvî bey‘-i bâtt-ı sahîh-i şer‘î ile dokuz bin fıddî akçeye bey‘ edip kabz-ı semen ve teslîm-i mebî‘ eyledim idi deyû bi’t-tav‘ ve’r-rızâ ikrâr ve i‘tirâf eylediğinde, mukırr-ı mezbûru ikrâr-ı meşrûhunda el-mukarru lehü’l-merkūm vicâhen tasdîk ve şifâhen tahkīk edicek mâ vaka‘a bi’t-taleb ketb olundu. Tahrîren fi’l-yevmi’r-râbi‘ aşer min şehri Cumâdelâhire li sene seb‘in ve erba‘în ve elf.
Şuhûdü’l-hâl: Mustafa b. Mehmed, Mehmed Hoca müezzin-i Turşucuzâde, Mustafa b. Receb
|