.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 142
Hüküm no: 139
Orijinal metin no: [84-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Ahmed Çavuş b. Abdullah’ın kardeşi Mehmed Bey ile evlerinin arasına duvar çekilmesini talep ettiği

Oldur ki Hasköy nâm karyede Keçeciler mahallesi sâkinlerinden Ahmed Çavuş b. Abdullah meclis-i şer‘-i şerîfde karındaşı Mehmed Bey nâm cündî mahzarında takrîr-i kelâm edip mahalle-i mezbûrede vâki‘ beynimizde ve lede’l-ahâlî ve’l-cîrân ma‘lûmü’l-hudûd olup babamız Avraham nâm Yahudi ale’l-iştirâki’s-seviy hibe-i sahîha-i şer‘iyye ile hibe eyleyip beynimizde taksîm-i sahîh-i şer‘î ile taksîm olunan mülk menzillerimiz mâbeyninde biribirimizin ehl ü ıyâllerimiz görünmeden ve biribirimizin sadâlarımız işitilmeden mâni‘ ve hâciz bir duvarımız olmamaklığın, ber vech-i iştirâk beynimize hâil bir duvar çekilmesi için mezbûr karındaşım Mehmed Bey’e cânib-i şer‘-i kavîmden tenb[î]h olunmak matlûbumdur dedikde, mezbûr Mehmed Bey mukaddemâ taksîm ve tevzî‘ olunan sınırdan merkūm Ahmed Bey ile ale’l-iştirâki’s-seviy duvar çekilmesi için hüküm birle tenbîh olunup mâ vaka‘a bi’t-taleb kayd [şüd.] Tahrîren fi’l-yevmi’s-sâdis aşer min şehri Cumâdelâhire li sene seb‘in ve erba‘în ve elf.


Şuhûdü’l-hâl: Çâşnigir-i sultânî Ahmed Ağa b. Abdülmennân, Ahmed Çelebi b. Muslu, Mahmud Bey b. Abdullah …?, Mustafa b. Mehmed el-Eyyûbî?, Hasan b. Pîrî, İsa b. Mustafa serbölük, Mustafa [b.] Receb