|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 147 Hüküm no: 147 Orijinal metin no: [88-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Akive v. Elyezer’e olan borcu için hapiste olan Gavril v. Senyore’ye Avraham v. Yaro’nun kefil olduğu
Oldur ki Mahmiye-i Kostantıniyye sâkinlerinden Avraham v. Yaro nâm Yahudi meclis-i şer‘-i şerîfde Akive v. Elyezer nâm Yahudi mahzarında takrîr-i kelâm edip mezbûr Akive’ye kırk sekiz bin altı yüz yetmiş beş akçe deyni olup elân izn-i şer‘-i şerîfle mahbûs olan Gavril v. Senyore nâm Yahudinin târih-i kitâbdan üç gün tamâmına değin nefsine kefîl oldum, eğer mezbûr Gavril müddet-i merkūmede gaybet edip ihzârından âciz olursam meblağ-ı mezbûr[u] ben zâmin olayım deyip mezbûr Akive dahi kefâlet-i nefsiyye-i müncezeyi ve kefâlet-i mâliye-i mu‘allakayı bi’l-müşâfehe tasdîk ve kabûl ettikden sonra mâ hüve’l-vâki‘ bi’t-taleb ketb olundu. Tahrîren fi’l-yevmi’t-tâsi‘ ve’l-ışrîn min Cumâdelâhire li sene seb‘in ve erba‘în ve elf.
Şuhûdü’l-hâl: Mustafa Çavuş b. Hamza Paşa, Ali Beşe b. Abdullah, Kemal v. Yaro, Salamon v. Kemal, Rupen v. Salom, Yako v. Mosi
|