.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 149
Hüküm no: 151
Orijinal metin no: [91-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Furuste bt. Yahuda’nın evinin satışı için oğlu Yasef v. Salamon’u vekîl tayin ettiği

Oldur ki Mahmiye-i Hazret-i Ebâ Eyyûb el-Ensârî aleyhi rahmetü’l-Bârî kazâsına tâbi‘ Hasköy nâm karye sâkinelerinden Furuste bt. Yahuda Tizbi nâm Yahudiye meclis-i şer‘-i şerîfde sulbî oğlu Yasef v. Salamon nâm Yahudi mahzarında ikrâr ve takrîr-i kelâm edip karye-i mezbûrede Yahudi mahallesinde beynimizde ve lede’l-ahâlî ve’l-cîrân ma‘lûmü’l-hudûd olan mülk menzilimin tasarrufâtını mezbûr Yasef’e tefvîz edip menzil-i merkūmu istikrâ ve bey‘ ve sâir mütevakkıf ve müteferri‘ olan umûrunda kendi cânibimden vekîl nasb edip nefsim için nâib-i menâb eyledim dedikde, gıbbe’t-tasdîk mesfûr Yasef dahi vekâlet-i mersûmeyi kabû[l] ve hizmet-i lâzımesin edâya ta‘ahhüd edicek mâ hüve’l-vâki‘ bi’t-taleb ketb olundu. Tahrîren fi’l-yevmi’r-râbi‘ min Recebi’l-mürecceb li sene seb‘in ve erba‘în ve elf.


Şuhûdü’l-hâl: Samoyel v. Mosi, Yahuda v. Yakob, Ramasi v. Kalef, Yahudi v. Yasef, İlya v. Baro