.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 152
Hüküm no: 155
Orijinal metin no: [94-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Ahmed Çelebi b. Mehmed’in dükkânına bitişik olan yerini kiraladığı

Mahmiye-i Kostantıniyye sâkinlerinden Ahmed Çelebi b. Mehmed er-Râcil meclis-i şer‘-i kavîmde Hasköy sâkinlerinden Mihal v. Yani ve Aristos v. Yani ve Angeli v. Mavridi ve Dimitri? v. Kosta ve Zaharya v. İstefo nâm zimmîler mahzarlarında takrîr-i kelâm ve ta‘bîr ani’l-merâm edip karye-i mezbûrede beynimizde ve lede’l-ahâlî ve’l-cîrân ma‘lûmü’l-hudûd olan mülk menzil(in?) çarşı tarafında kasab dükkânına karşı olan duvarıma muttasıl olup dükkân üslûbunda [binâ] eyleyip silk-i mülkümde dâhil olan tahta-nişîmenimi mezbûrûn Mihal ve Aristos ve Angeli ve Dimitri ve Zaharya’ya ber vech-i iştirâki’s-seviy yevmî sekiz akçe üçer pula olmak [üzre] beher sene üç bin on beş akçeye îcâr, merkūmûn zimmîler dahi istîcâr edip târih-i kitâbdan mezbûr zimmîlerin yedlerinden peşin bir senenin icâresi üç bin on beş akçe eder, alıp kabz eyledim deyû merkūm Ahmed Çelebi bi’t-tav‘ ve’r-rızâ ikrâr ve i‘tirâf ettiğinde el-mukarru lehümü’l-mesfûrûn dahi bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fi’l-yevmi’t-tâsi‘ min Recebi’l-ferd li sene seb‘in ve erba‘în ve elf.


Şuhûdü’l-hâl: Mahmud Bey b. Mehmed serrâc-ı hâssa, Hasan b. Mehmed, Mehmed b. Sefer, Mustafa b. Halil, Mustafa (...)