|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 152 Hüküm no: 156 Orijinal metin no: [94-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Ahmed Çelebi b. Mehmed’in kiracılarının bir yıllık kira bedelini peşin ödedikleri
Oldur ki Hasköy sâkinlerinden Mihal v. Yani ve Aristos ve Yani ve Angeli v. Mavridi ve Dimitri v. Kosta ve Zaharya v. İstefo nâm zimmîler meclis-i şer‘-i mübînde Mahmiye-i Kostantıniyye sâkinlerinden Ahmed Çelebi b. Mehmed er-Râcil mahzarında takrîr-i kelâm ve ta‘bîr ani’l-merâm edip karye-i mezbûrede vâki‘ lede’l-ahâlî ve’l-cîrân ma‘lûmü’l-hudûd olan mülk menzilinin çarşı tarafında kasab dükkânına karşı olan duvarına muttasıl olup dükkân üslûbunda binâ e(yleyip) silk-i mülkünde dâhil olan tahta-nişîmeni ber vech-i iştirâki’s-seviy mezbûr Ahmed Çelebi’den (yevmî) sekiz akçe üçer pul olmak üzre beher sene üç bin on beş akçeye istîcâr, merkūm Ahmed Çelebi dahi minvâl-i meşrûh üzre îcâr edip târih-i kitâb-ı şer‘(den?) mezbûr Ahmed Çelebi’ye peşin bir senelik icâresini ki üç bin on beş akçe eder, edâ, ol dahi kabz eylemişdir deyû mezbûrûn zimmîler bi’t-tav‘ ve’r-(rızâ) ikrâr [ve] i‘tirâf ettiklerinde el-mukarru lehü’l-merkūm Ahmed Çelebi bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fi’l-yevmi’t-tâsi‘ min Recebi’l-mürecceb li sene seb‘in ve erba‘în ve elf.
Şuhûdü’l-hâl: Mahmud Bey b. Mehmed serrâc-ı hâssa, Hasan b. Mehmed, Mehmed b. Sefer, Mustafa b. Halil, Mustafa b. Mehmed, Mustafa b. Receb ve gayruhüm
|