|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 154 Hüküm no: 159 Orijinal metin no: [96-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Rahime bt. Abdullah’ın Ömer b. Musa’dan mehrini aldığı ve iddet nafakası üzerine muhâlaa oldukları
Mahmiye[-i] Hazret-i Ebâ Eyyûb el-Ensârî -aleyhi rahmetü’l-Bârî- kazâsına tâbi‘ Hasköy demekle ma‘rûf karye mahallâtından Kiremitçi Ahmed Çelebi mahallesi sâkinelerinden Rahime bt. Abdullah nâm hâtun zevci hâmilü’l-kitâb Ömer b. Musa nâm kimesne mahzarında ikrâr ve takrîr-i kelâm edip zevcim mezbûr Ömer’in zimmetinde olan üç yüz akçe mehr-i müeccelim bi’t-tamâm alıp kabz edip? ve nafaka-i iddetim üzerine muhâla‘a etmeğin zevciyyete müte‘allik olan cemî‘ de‘âvî ve husûmâ[tdan] biribirimizin zimmetini ibrâ-i âmm-ı kātı‘ü’n-nizâ‘ ile ibrâ eyledik dediğinde mesfûr Ömer dahi zevcesi mezkûre Rahime ile vech-i meşrûh üzre hul‘ ve ibrâ eylediğin vicâhen tasdîk ve şifâhen tahkīk edicek mâ hüve’l-vâki‘ bi’t-taleb ketb ü imlâ ol[undu]. Tahrîren fi’l-yevmi’r-râbi‘ ve’l-ışrîn min Recebi’l-ferd li sene seb‘in ve erba‘în ve elf.
Şuhûdü’l-hâl: Süleyman b. Hamza, Ali Beşe b. Abdullah
|