|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 156 Hüküm no: 162 Orijinal metin no: [97-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Angeli v. Mavridi’nin Sinan Paşa Vakfı’nın arsası üzerine inşâ ettiği meyhâneyi kiraya verdiği
Oldur ki Hasköy sâkinlerinden Angeli v. Mavridi nâm zimmî meclis-i şer‘-i şerîf-i lâzımü’t-teşrîfde Tatyos v. Ladef ve Ladef v. Serkis ve Poli Haroni v. Yani nâm zimmîler mahzarlarında ikrâr ve takrîr-i kelâm edip karye-i mezbûrede merhûm ve mağfûr Sinan Paşa’nın arz-ı mevkūfesi [üzerine] izn-i mütevellî ile binâ eylediğim beynimizde ve lede’l-ahâlî ma‘lûmü’l-hudûd olan meyhânemi târih-i kitâbdan dört ay sonra olan rûz-ı Hızırın ibtidâsından beher yevm ellişer akçe olmak üzre sene tamâmına dek on sekiz bin akçeye mezbûr zimmîlere îcâr anlar dahi vech-i meşrûh üzre istîcâr edip ber vech-i peşin mezbûrların yedlerinden sekiz bin akçe alıp kabz eyledim dedikde merkūm zimmîler dahi ba‘de’t-tasdîki’l-vicâhî mâ hüve’l-vâki‘ bi’t-taleb ketb olundu. Tahrîren fi’l-yevmi‘s-sânî aşer min Şa‘bâni’l-mu‘azzam li sene seb‘in ve erba‘în ve elf. [Şuhûdü’l-hâl:] Mustafa Efendi b. Mehmed, Mustafa b. Receb, Ali Beşe b. Abdullah, (...) Aristos, Hacik v. Burak ve gayruhüm
|