.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 159
Hüküm no: 167
Orijinal metin no: [99-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Duka v. Kiprinos’un Rus asıllı câriyesini azat ettiği

Mahmiye-i İstanbul mahallâtından Kefe mahallesinde sâkin Duka v. Kiprinos nâm zimmî meclis-i şer‘-i hatîr-i lâzımü’t-tevkīre gelip ikrâr ve takrîr-i kelâm ve bast-ı merâm edip silk-i mülkümde münselik olan orta boylu açık kaşlı vechinin sağ cânibinde beni olup ve vechinde çiçek alâmeti olan Rûsiyyetü’l-asl Anna bt. Abdullah nâm câriye-i memlûkem olan mevsûfe-i mezkûreyi niyyet-i hâlisa-i vâfire ve taviyyet-i tayyibe-i sâfiye ile hasbeten lillâhi’l-hallâk tahrîr ve i‘tâk ve mülkümden izâle ve ihrâc [100] ve silk-i ahrâr-ı asliyyîne indirâc eyledim ba‘de’l-yevm mezbûre Anna sâir ahrâr-ı asliyyîn gibi hürre olup sâir mevâlî için şer‘an sâbit olan hakk-ı velâdan gayrı hakkım kalmadı dedikde mâ hüve’l-vâki‘ bi’t-taleb ketb olundu. Tahrîren fî evâhiri Zilka‘deti’ş-şerîfe li sene seb‘in ve erba‘în ve elf.


Şuhûdü’l-hâl: Mehmed Çelebi b. Mustafa el-İmâm, Mahmud Bey b. Mirza el-Cündî, Ali b. Hasan, Kirbaki v. Yani, Mihal v. Yani, Aristos v. Yani, Koni v. Bankri?, Dimitrak v. Yani, Koni v. Yani, Aleksandıra v. Duma ve gayruhüm