.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 161
Hüküm no: 170
Orijinal metin no: [101-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Asuzader v. Serkis’in Eğin’deki bağını Bedros v. Ağanes’e sattığı

Vilâyet-i Anadolu’da vâki‘ Arapgir sancağına tâbi‘ Eğin nâm kasaba sükkânından Asuzader? v. Serkis nâm Ermeni meclis-i şer‘-i hatîr-i lâzımü’t-tevkīrde işbu râfi‘-i hâze’s-sifr Bedros v. Ağanes nâm Ermeni mahzarında bi’t-tav‘i’s-sâf ikrâr ve i‘tirâf edip kasaba-i mezbûrede vâki‘ bir tarafı Murad Suyu demekle ma‘rûf su ve üç tarafı müşterî-i merkūm mülkü ve hudûd-ı mersûmun dâhilinde bir bâb tahtânî odayı ve eşcâr-ı müsmire ve gayr-ı müsmireyi müştemil olan mülk bağımı merkūm Bedros’a seksen riyâlî guruşa ve beş yüz akçe kıymetli bir Londura kürdiye bey‘-i bâtt-ı sahîh-i şer‘î ile bey‘ edip kabz-ı semen-i ma‘dûd ve mebî‘-i mersûmu mahallinde kabza taslît eyledim keyfemâ yeşâ ve yehtâr mutasarrıf olsun dedikde mukırr-ı merkūmun ikrâr-ı meşrûhunu el-mukarru lehü’l-mezbûr bi’l-muvâcehe [tasdîk] ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâhiri Zilka‘deti’ş-şerîfe li sene seb‘in ve erba‘în ve elf.


Şuhûdü’l-hâl: Ali Beşe b. Abdullah, Mihal v. Mercan, Toros? v. Haim?, Aslan v. Behzad?, Yektemur? v. Toros, Tuma? v. Timur