|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 163 Hüküm no: 172 Orijinal metin no: [102-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Himmet b. Arslan ile Üveys’in Aksak köyündeki tarlalarının tasarruf hakkını Mehmed b. Himmet’e tefvîz ettikleri
Vilâyet-i Anadolu’da vâki‘ Aktaş kazâsına tâbi‘ Aksak nâm karye sükkânından Himmet b. Arslan ve Üveys b. Atsan? nâm kimesneler meclis-i şer‘-i hatîr-i lâzımü’t-tevkīrde işbu râfi‘ü’l-kitâb Mehmed b. Himmet nâm kimesne mahzarında her biri bi’t-tav‘i’s-sâf ikrâr ve takrîr-i kelâm eyleyip karye-i mezbûrede mevâzi‘-i müte‘addidede lede’l-ahâlî ve’l-cîrân ma‘lûmü’l-hudûd olup tefvîz-i âtî sudûruna değin ale’l-iştirâki’s-seviy mutasarrıf olduğumuz tahmînen bir müd tohum isti‘âb eder tarlaların hakk-ı tasarrufunu sâhib-i arz ma‘rifetiyle mezbûr Mehmed’e tefvîz eyleyip ol dahi tefevvuz ve kabûl ettikden sonra mukābele-i tefvîzde yedinden nakd-i râyic fi’l-vakt iki bin akçeyi bi’t-tamâm ahz u kabz eyleyip arâzi-i mezbûreyi mahallinde kabza ve tasarrufa mezbûr Mehmed’i taslît eyledik dediklerinde, mukırrân-ı merkūmânın ikrâr-ı meşrûhunu el-mukarru lehü’l-mezbûr bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâili Zilhicceti’ş-şerîfe li sene 1047.
Şuhûdü’l-hâl: Şaban Efendi b. el-Hâc Bahşî, İsa Efendi b. Musa, Mehmed Efendi b. Menteş, Mehmed Çelebi b. İsmail, Memi Beşe b. Hızır, Mehmed Çelebi b. Halil, İsmail Efendi b. ( ), el-Hâc Mehmed b. Habîb, İsmail b. Hüseyin, İlyas b. İvaz
|