.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 165
Hüküm no: 176
Orijinal metin no: [104-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mehmed Beşe b. Abdülmennân’ın alacağını kefilden tahsil ettiği

Mahmiye-i İstanbul hısnı ebvâbından Balat kapısı dâhilinde sâkin Mehmed Beşe b. Abdülmennân nâm râcil meclis-i şer‘-i hatîr-i lâzımü’t-tevkīrde vilâyet-i Anadolu’da vâki‘ kasaba-i Eğin sükkânından Mercan v. Mirek nâm Ermeni muvâcehesinde ikrâr ve takrîr-i kelâm edip yine kasaba-i mezbûre sükkânından Safer v. Dader nâm Ermeni zimmetinde cihet-i karz-ı şer‘îden on altı riyâlî guruş hakkım olup taleb eylediğimde mezbûr Mercan meblağ-ı mezbûr on altı riyâlî guruşun edâsına kefîl bi’l-mâl olmuşdu, el-hâletü hâzihî zikr olunan on altı riyâlî guruşu kefîl-i mezbûr Mercan yedinden kefâleti hasebiyle ahz u kabz eyledim dedikde, mukırr-ı merkūm Mehmed Beşe’nin ikrâr-ı meşrûhunu el-mukarru lehü’l-mezbûr Mercan bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâhiri Zilhicceti’ş-şerîfe li sene seb‘in ve erba‘în ve elf.


Şuhûdü’l-hâl: Mehmed Beşe b. Abdullah er-Râcil, Mustafa Beşe b. Abdullah er-Râcil, Hızır Beşe b. Ali, Cuma? Beşe b. Ali er-Râcil, Şahin Bey b. Abdullah