.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 166
Hüküm no: 177
Orijinal metin no: [104-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


İsak v. Yasef’in câriyesi Anaşte’yi üç yıllık hizmetini tamamladığında hür olmak üzere mükâtebe yoluyla azat ettiği

Havâss-ı aliyye kazâsına tâbi‘ Hasköy sükkânından olup Yahudi tâ’ifesinden İsak v. Yasef nâm Yahudi meclis-i şer‘-i hatîr-i lâzımü’t-tevkīrde silk-i mülkünde münselik olan orta boylu açık kaşlı gök elâ gözlü sarışın sol çenesi tarafında beni olan Koroniyyetü’l-asl Anaşte bt. Safka? nâm câriye-i memlûkesinin muvâcehesinde ikrâr ve takrîr-i kelâm edip sıfat-ı mezkûre ile mevsûfe olan câriye-i memlûkem târih-i kitâbdan üç sene-i kâmile tamâmına değin bana sadâkat ve istikāmet ile edâ-i hizmet etmek üzre kitâbete kestim ba‘de’l-yevm bana müddet-i madrûbe tamâmına değin hizmet edip müddet-i mezbûre tamâmında sâir ahrâr-ı asliyyîn gibi hürre olsun dedikde mukırr-ı merkūmun ikrâr-ı meşrûhunu el-mukarru leha’l-mezbûre câriye bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâili Muharremi’l-harâm li sene semânin ve erba‘în ve elf.


Şuhûdü’l-hâl: Mehmed Efendi müsta‘id, İbrahim Çelebi b. İsmail, Mihal v. Yani, Arslan v. Matsiye?, More v. Avraham, Menefşe v. More