|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 167 Hüküm no: 179 Orijinal metin no: [105-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
İspolot v. Yorgi’nin mahzenini bir yıllığına kiraya verdiği
Mahmiye-i İstanbul hısnı ebvâbından Balat kapısı hâricinde vâki‘ Karabaş mahallesinde sâkin İspolot v. Yorgi nâm zimmî meclis-i şer‘-i hatîr-i lâzımü’t-tevkīrde işbu râfi‘-i hâze’s-sifr Tanaş v. Mihal ve Mihal v. Yorgi ve Dimitri v. Kosta nâm zimmîler mahzarlarında bi’t-tav‘i’s-sâf ikrâr ve takrîr-i kelâm edip Havâss-ı aliyye kazâsına tâbi‘ Hasköy mahallâtından Turşucu mahallesinde lebideryâda lede’l-ahâlî ve’l-cîrân ma‘lûmü’l-hudûd olan iki bâb mahzenimi mezbûrûn zimmîlere târih-i kitâb şehri gurresinden sene-i kâmile tamâmına varınca otuz bir bin akçeye îcâr ve teslîm eyledim, mezbûrûn zimmîler dahi zikr olunan mahzeni nehc-i mastûr üzre kabûl ve istîcâr eylediler dediğinde, mukırr-ı merkūmûn ikrâr-ı meşrûhunu el-mukarru lehümü’l-mezbûrûn zimmîler bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâili Muharremi’l-harâm li sene 1048.
Şuhûdü’l-hâl: El-Hâc Ali b. Hasan, Mehmed Çelebi b. Mustafa el-İmâm, Ahmed Çelebi b. Muslu, Ali b. Abdullah, Hasan b. Pîrî, Polkarun? v. Yani, İspolot v. Merkor?, Dido v. Yani, Andreya v. Manol
|