|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 168 Hüküm no: 181 Orijinal metin no: [106-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Gemici Rodokapo v. Yakomi’nin Salamon v. Pason’a olan borcu için vade aldığı
Oldur ki gemici tâ’ifesinden Rodokapo v. Yakomi nâm zimmî meclis-i şer‘-i hatîr-i lâzımü’t-tevkīrde işbu râfi‘-i hâze’s-sifr Yahudi tâ’ifesinden Salamon v. Pason nâm Yahudi mahzarında bi’t-tav‘i’s-sâf ikrâr ve takrîr-i kelâm edip mezbûr [Salamon v.] Pason’a deyn-i şer‘îden üç bin altı yüz akçe deynim olup meblağ-ı mezbûr zimmetimde lâzımü’l-edâ ve vâcibü’l-kazâ deynimdir, lâkin edâsı[nı] târih-i kitâb şehri gurresinden beş ay tamâmına değin müeccel eyledik dedikden sonra Havâss-ı aliyye kazâsına tâbi‘ Hasköy’de sâkin meyhâneci tâ’ifesinden İlya v. Mano nâm zimmî meblağ-ı mezbûr üç bin altı yüz akçeye tarafeynden emr-i kabûlü hâviye kefâletle kefîl oldukda gıbbe’t-tasdîki’l-vicâhî mâ hüve’l-vâki‘ bi’t-taleb ketb olundu. Tahrîren fî evâili Muharremi’l-harâm sene semânin ve erba‘în ve elf.
Şuhûdü’l-hâl: El-Hâc Ali Çelebi b. Hasan, Hüseyin Beşe b. Yusuf, Ali Beşe b. Abdullah, Nasen v. İsak ve gayruhüm
|