|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 174 Hüküm no: 193 Orijinal metin no: [110-4, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Mahmud Çelebi b. Süleyman’ın yetimleri Ahmed ile Âişe’nin vasîleri üzerine Mehmed b. Mustafa’nın nâzır tayin edildiği
Hâkim-i muvakki‘-i a‘lâhu bu kitâb-ı âmil-i fazla Rabbihi’l-vehhâb ile Hazret-i Ebâ Eyyûb el-Ensârî tevâbi‘inden Hasköy mahallâtından Ahmed Çelebi mahallesinde sâkin iken bundan akdem vefât eden Mahmud’un yetîmleri Ahmed nâm sagīr ile Âişe nâm sagīrenin tesviye-i umûrları için üzerlerine vasiyye-i mansûbeleri olan vasiyye-i mezbûre Cinâne bt. Abdullah’ın sagīreyn-i mezbûreynin emvâlinde ve sâir ahvâlinde ancak nâzır-ı mezkûrun re’yi ve ma‘rifeti ile tasarrufda bulunmak üzre hâmil-i hâzihi’s-sahîfe Mehmed b. Mustafa’yı nasb-ı sahîh-i şer‘î ile nâzır ta‘yîn ettikde ol dahi nezâret-i mahkiyyeyi kabûl edip gereğini yapmayı iltizâm etti. Cerâ zâlike [111] ve hurrire fi’l-yevmi’l-hâmis aşer min Muharremi’l-harâm sene semânin ve erba‘în ve elf.
Şuhûdü’l-hâl: Osman Efendi b. Ahmed el-Hatîb, Mahmud Çelebi b. Mehmed es-Serrâc, Ahmed Çelebi b. Mustafa, Mehmed Halîfe b. İbrahim el-Müezzin ve gayruhüm
|