|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 188 Hüküm no: 211 Orijinal metin no: [118-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Ahmed Çavuş’un vefat eden Hüseyin Bey’in zimmetinde kalan alacağını mirasçılarından tahsil ettiği
Mahmiye-i İstanbul’da Sultan Selim Câmi‘i kurbunda vâki‘ Kovacılar mahallesinde sâkin Ahmed Çavuş b. Hamza nâm kimesne Havâss-ı aliyye kazâsına tâbi‘ Hasköy mahallâtından Turşucu mahallesinde sâkin iken bundan akdem fevt olan Hüseyin Bey b. Mehmed nâm müteveffânın zevce-i metrûkesi Kamer bt. Abdullah nâm hâtun ve kebîre kızı Ümmühânî ve vâlidesi Münteha bt. Abdullah nâm hâtun ve sagīr oğlu Hasan’ın tesviye-i umûruna vasîyy-i muhtârı olan Muslu Çelebi b. Veli nâm kimesneler mahzarlarında ikrâr ve takrîr-i kelâm edip müteveffâ-yı mezbûrun zimmetinde elli yedi bin akçe hakkım olup meblağ-ı mezbûr elli yedi bin akçenin yirmi bin akçesin müteveffâ-yı mezbûr hayâtda iken yedinden ahz [119] u kabz edip otuz yedi bin akçe hakkım zimmetinde bâkī kalmışidi el-hâletü hâzihî zikr olunan otuz yedi bin akçeyi mezbûrlar yedinden bi’t-tamâm ahz u kabz eyleyip mezbûrlar zimmetinde bir akçe ve bir habbe hakkım kalmadı dedikde mukırr-ı merkūmun ikrâr-ı meşrûhunu el-mukarru lehümü’l-mezbûrûn bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâili [Rebî‘ilevvel li sene semânin ve erba‘în ve elf].
Şuhûdü’l-hâl: ( )
|