|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 189 Hüküm no: 214 Orijinal metin no: [120-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Fâtıma bt. Cafer’in zevci es-Seyyid Mustafa Çelebi b. Pîr Veli’den muhâlaa ile boşandığı
Havâss-ı aliyye kazâsı muzâfâtından Hasköy mahallâtından Pîrî Paşa mahallesinde sâkine Fâtıma bt. Cafer nâm hâtun tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde hâmil-i hâze’l-kitâb zevci es-Seyyid Mustafa Çelebi b. Pîr Veli ile muhâla‘a oldukda ol dahi onunla nikâhlarında ma‘kūdun aleyh olan kadri ve nisâbı râyic fi’l-vakt iki bin akçe olan mehr-i müecceli ve ilm-i şer‘î ile mukaddere ve ma‘lûme olan nafaka-i iddeti ve ( ) nâm ( ) hakk-ı hidânesi? mukābilinde muhâla‘a-i sahîha-i şer‘iyye oldukda akd-i cedîd ve sadâk-ı müste’nef olmaksızın kendisine helâl olmayacak şekilde bâyin olmuş oldukdan sonra her biri âharın zimmetini de‘âvî ve husûmâtdan umûmen ve husûsan hukūk-ı zevciyyete müte‘allik de‘âvîden ibrâ-i âmm-ı kātı‘ü’n-nizâ‘ ve râfi‘ün li’ş-şikāk ile ibrâ ettiler. Cerâ zâlike ve hurrire fî evâhiri Rebî‘ilevvel li sene semânin ve erba‘în ve elf.
Şuhûdü’l-hâl: Abdülaziz Halîfe b. Mehmed el-İmâm, Mehmed Halîfe b. İbrahim el-Müezzin, Ahmed b. Manyaz?, Kubad b. Mustafa
|