|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 191 Hüküm no: 217 Orijinal metin no: [121-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Mosi v. Yasef’in câriyesini üç sene hizmet karşılığında azat etmeyi taahhüt ettiği
Havâss-ı aliyye kazâsına tâbi‘ Hasköy’de sâkin Kordova cemâ‘atinden olup Yahudi tâ’ifesinden Mosi v. Yasef nâm Yahudi meclis-i şer‘-i hatîr-i lâzımü’t-tevkīrde silk-i mülkünde münselik olan orta boylu açık kaşlı kara gözlü ve sol dizinde eser-i cerh olan Anna bt. Yuvan nâm câriye-i memlûkesinin muvâcehesinde ikrâr ve takrîr-i kelâm edip sıfat-ı mezkûre ile mevsûfe olan câriye-i memlûkemi târih-i kitâbdan üç sene-i kâmile tamâmına değin bana sadâkat ve istikāmet ile edâ-i hizmet etmek üzre kitâbete kestim ba‘de’l-yevm bana müddet-i madrûbe tamâmına değin hizmet edip müddet-i mezbûre tamâmında sâir ahrâr-ı asliyyîn [gibi] hürre olsun dedikde mukırr-ı merkūmun ikrâr-ı meşrûhunu el-mukarru leha’l-mezbûre câriye bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâhiri Rebî‘ılâhir li sene semânin ve erba‘în ve elf.
Şuhûdü’l-hâl: Ahmed Ağa b. Abdullah, Dilâver Bey b. Abdullah, Ali Beşe [b.] Abdullah ve gayruhüm
|