|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 192 Hüküm no: 219 Orijinal metin no: [122-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Hasan b. Abdullah’ın Mustafa b. Abdullah’tan iki senelik hizmet bedelini tahsil ettiği
Havâss-ı aliyye kazâsına tâbi‘ Hasköy mahallâtından Turşucu mahallesinde sâkin Hasan b. Abdullah nâm kimesne meclis-i şer‘-i hatîr-i lâzımü’t-tevkīrde işbu râfi‘-i hâze’l-kitâb Mustafa b. Abdullah nâm kimesne mahzarında bi’t-tav‘i’s-sâf ikrâr ve takrîr-i kelâm edip bundan akdem mezbûr Mustafa’ya iki sene hizmet edip hizmetim ücretinden zimmetinde üç bin iki yüz akçe hakkım bâkī kalmışidi el-hâletü hâzihî zikr olunan meblağ-ı mezbûr üç bin iki yüz akçeyi mezbûr Mustafa yedinden bi’t-tamâm ve’l-kemâl ahz u kabz eyledim zimmetinde bir akçe ve bir habbe hakkım kalmadı dedikde mukırr-ı merkūmun ikrâr-ı meşrûhunu el-mukarru lehü’l-mezbûr Mustafa bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâili Cumâdelûlâ li sene semânin ve erba‘în ve elf.
Şuhûdü’l-hâl: Mustafa Çavuş b. Hızır Bey, Osman b. Hüseyin, Mustafa b. Mehmed, Sefer Bey b. Zülfikar, Ali b. Abdullah ve gayruhüm
|