|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 192 Hüküm no: 220 Orijinal metin no: [122-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Muzaffer Çavuş b. Abdullah’ın Budak v. Agop’a muhtelif kiremit ve tuğla sattığı ve bedelini tahsil ettiği
Havâss-ı aliyye kazâsına tâbi‘ Hasköy mahallâtından Sütlüce mahallesi kurbunda vâki‘ Kağıthâne Deresi demekle ma‘rûf mevzi‘de vâki‘ kiremit fırınında kiremitçi olan Muzaffer Çavuş b. Abdullah nâm kimesne meclis-i şer‘-i hatîr-i lâzımü’t-tevkīrde işbu râfi‘-i hâze’s-sifr Budak v. Agop nâm Ermeni muvâcehesinde bi’t-tav‘i’s-sâf ikrâr ve takrîr-i kelâm edip fırın-ı mezbûrda [123] olan yirmi dört bin nâ-puhte kiremidimi ve bin yüz beylik çarşı nâ-puhte tuğlamı ve bin sekiz yüz harc-ı çarşı nâ-puhte tuğlamı ve iki topaç nâ-puhte tuğlamı ve dört bin beş yüz beylik nîme nâ-puhte tuğlamı ve on altı bin harc-ı nîme tuğlamı mezbûr Budak’a sekiz bin beş yüz akçeye safka-i vâhide ile bey‘-i bâtt-ı sahîh-i şer‘î ile bey‘ edip kabz-ı semen-i ma‘dûd ve mebî‘-i mezbûrları mahallinde kabza taslît eyledim dedikde mukırr-ı merkūmun ikrâr-ı meşrûhunu el-mukarru lehü’l-mezbûr Budak bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâili Cumâdelûlâ li sene semânin ve erba‘în ve elf.
Şuhûdü’l-hâl: Süleyman Efendi b. Mirza el-İmâm, Mustafa Çelebi b. Abdullah, Hüseyin Beşe b. Abdullah, el-Hâc Hüseyin, Ali b. Abdullah
|