.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 195
Hüküm no: 224
Orijinal metin no: [125-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Kiryaki v. Yani ve Aleksi v. Nikola’nın Andreya v. Petro ve Petro v. Yorgi’de şarap bedelinden alacakları olduğu

Havâss-ı aliyye kazâsına tâbi‘ Hasköy’de sâkin meyhâneci tâ’ifesinden Andreya v. Petro ve Petro v. Yorgi nâm zimmîler meclis-i şer‘-i hatîr-i lâzımü’t-tevkīrde işbu râfi‘ay hâze’s-sifr Kiryaki v. Yani ve Aleksi v. Nikola nâm zimmîler muvâcehesinde bi’t-tav‘i’s-sâf ikrâr ve takrîr-i kelâm eyleyip şarâb bahâsından olup zimmetimizde edâsı lâzım olan dört bin kırk akçenin bin beş yüz akçesini edâ ve teslîm eylediğimizden sonra zimmetimizde bâkī kalan üç bin üç yüz kırk akçeyi mezbûrân Kiryaki ve Aleksi’ye vâcibü’l-kazâ ve lâzımü’l-edâ deynimizdir dedikde mukırrân-ı merkūmânın ikrâr-ı meşrûhlarını el-mukarru lehüma’l-mezbûrân Kiryaki ve Aleksi bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fî evâili Cumâdelâhire li sene semânin ve erba‘în ve elf.


Şuhûdü’l-hâl: Mahmud Çelebi b. Mehmed es-Serrâc, Ali Beşe b. Abdullah, Tahriye? v. İstefano, Nikola v. Yani, Todori? v. Manol