|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 196 Hüküm no: 227 Orijinal metin no: [127-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Mustafa Ağa b. Abdülmennân’ın Tatar diye bilinen kölesini üç yıl hizmet karşılığında azat etmeyi taahhüt ettiği
Mahmiye-i İstanbul mahallâtından Gül Câmi‘i mahallesinde sâkin fahrü’l-akrân Mustafa Ağa b. Abdülmennân nâm kimesne meclis-i şer‘-i hatîr-i lâzımü’t-tevkīrde silk-i mülkünde münselik olan orta boylu açık kaşlı sarı gözlü ensesinde eser-i cerh ve sol elinin üzerinde eser-i cerh olan Koroniyyetü’l-asl Tatar demekle ma‘rûf abd-i memlûk muvâcehesinde ikrâr ve takrîr-i kelâm edip sıfat-ı mezkûre ile mevsûfe olan abd-i memlûkümü târih-i kitâbdan üç sene-i kâmile tamâmına değin bana sadâkat ve istikāmet ile edâ-i hizmet edip ba‘de’l-yevm bana müddet-i madrûbe tamâmına değin hizmet edip müddet-i mezbûre tamâmında sâir ahrâr-ı asliyyîn gibi hürre olsun dedikde mukırr-ı merkūmun ikrâr-ı meşrûhunu el-mukarru lehü’l-mezbûr abd bi’l-muvâcehe tasdîk ve bi’l-müşâfehe tahkīk edicek mâ hüve’l-vâki‘ bi’t-taleb ketb olundu. Tahrîren fi’l-yevmi’t-tâsi‘ ve’l-ışrîn min Cumâdelâhire li sene semânin ve erba‘în ve elf.
Şuhûdü’l-hâl: Abdullah Efendi b. Nurullah el-İmâm, Mustafa Ağa b. Ali, Ahmed Çavuş b. Veli, Mehmed Bey b. Abdullah, İbrahim b. İsmail, Süleyman Çelebi tâbi‘ü’l-mezbûr, Hüseyin Çavuş tâbi‘ü’l-mezbûr ve gayruhüm
|