|
Hasköy Mahkemesi 5 Numaralı Sicil (H. 1020-1053/M.1612-1643) cilt: 23, sayfa: 200 Hüküm no: 233 Orijinal metin no: [130-1, Arapça] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
İsmihânî bt. Hasan’ın zevci Osman b. Mehmed’den muhâlaa ile boşandığı
Havâss-ı aliyye kazâsı muzâfâtından Hasköy mahallâtından Pîrî Paşa mahallesinde sâkine İsmihânî bt. Hasan nâm hâtun tağyîr ve tahrîfden korunmuş olan meclis-i şer‘-i şerîf ve mahfil-i dîn-i münîfde hâmil-i hâze’l-kitâb zevci Osman b. Mehmed ile muhâla‘a oldukda ol dahi onunla nikâhlarında ma‘kūdun aleyh olan kadri ve nisâbı râyic fi’l-vakt bin beş yüz akçe fıddî Osmânî olan mehr-i müecceli ve ilm-i şer‘î ile mukaddere ve ma‘lûme olan nafaka-i iddeti mukābilinde muhâla‘a-i sahîha-i şer‘iyye oldukda akd-i cedîd ve sadâk-ı müste’nef olmaksızın kendisine helâl olmayacak şekilde bâyin olmuş oldukdan sonra her biri âharın zimmetini de‘âvî ve husûmâtdan umûmen ve husûsan hukūk-ı zevciyyete müte‘allik de‘âvîden ibrâ-i âmm-ı kātı‘ü’n-nizâ‘ ve râfi‘ün li’ş-şikāk ile ibrâ ettiler. Cerâ zâlike ve hurrire fi’l-yevmi’r-râbi‘ ve’l-ışrîn min Şa‘bâni’l-mu‘azzam li sene semânin ve erba‘în ve elf.
Şuhûdü’l-hâl: Ali Beşe b. Mustafa, Dilâver Bey b. Abdullah, Ali b. Abdullah, Sefer b. Süleyman, Mehmed Beşe b. Hasan er-Râcil, el-Hâc Ramazan b. Mahmud, Mahmud b. Ahmed, Abdi b. Hasan ve gayruhüm
|