.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 202
Hüküm no: 237
Orijinal metin no: [133-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


İsak v. Avraham’ın Yorgi v. Rezo’ya mum almak için ödediği paranın iade edilmesi

Mahmiye-i İstanbul mahallâtından Frenk mahallesinde sâkin Yahudi tâ’ifesinden İsak v. Avraham nâm Yahudi meclis-i şer‘-i hatîr-i lâzımü’t-tevkīrde mumcu tâ’ifesinden Yorgi v. Rezo nâm zimmî mahzarında üzerine takrîr-i da‘vâ edip mezbûr Yorgi mum vermek üzre yedine bin altı yüz yirmi akçe vermişdim, vermede te‘allül eder suâl olunup alıverilmesin taleb ederin dedikde, gıbbe’s-suâl ve akībe’l-inkâr müdde‘î-i merkūmdan cevâbına mutâbık beyyine taleb olundukda Balat Câmi‘i kurbunda sâkin Virke? cemâ‘atinden Mosi v. Menteş ve Gavriyel v. Mosi nâm Yahudiler li ecli’ş-şehâde meclis-i şer‘a hâzırân olup gıbbe’l-istintâk fi’l-hakīka bizim huzûrumuzda merkūm İsak mersûm Yorgi’ye mum vermek üzre bin altı yüz yirmi akçe verdi, biz bu husûsa şâhidleriz şehâdet dahi ederiz deyû edâ-i şehâdet-i şer‘iyye ettiklerinde ba‘de ri‘âyet-i şerâ’iti’l-kabûl şehâdetleri hayyiz-i kabûlde vâkı‘a olmağın mersûm Yorgi meblağ-ı mezbûr bin altı yüz yirmi akçeyi merkūm İsak’a edâya tenbîh birle mâ hüve’l-vâki‘ bi’t-taleb ketb olundu. Tahrîren fî evâhiri Recebi’l-ferd sene semânin ve erba‘în ve elf.


Şuhûdü’l-hâl: Mehmed Efendi b. Abuzer, Ali Beşe b. Abdullah, Halil b. Muslihiddin