.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 204
Hüküm no: 240
Orijinal metin no: [134-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Dimo v. Yani’nin alacağını tahsil ettiği

Kasab tâ’ifesinden Dimo v. Yani nâm zimmî meclis-i şer‘de işbu râfi‘-i hâze’s-sifr Duka v. Savol? nâm zimmî muvâcehesinde ikrâr ve takrîr-i kelâm edip bundan akdem mezbûr Duka’nın karz-ı şer‘îden dört bin akçe deyni olup meblağ-ı mezbûr dört bin akçeyi mezbûr Duka yedinden bi’t-tamâm ve’l-kemâl ahz u kabz eyleyip zimmetinde bir akçe hakkım kalmadı dedikde mukırr-ı merkūmun ikrâr-ı meşrûhunu el-mukarru lehü’l-mezbûr Dimo bi’l-muvâcehe tasdîk ve bi’l-müşâfehe tahkīk edicek [mâ hüve’l-vâki‘ bi’t-taleb ketb olundu.]


Şuhûdü’l-hâl: ( )