.:: İstanbul Kadı Sicilleri ::. 

Hasköy Mahkemesi 5 Numaralı Sicil (H. 1020-1053/M.1612-1643)
cilt: 23, sayfa: 204
Hüküm no: 242
Orijinal metin no: [134-4]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Hasan Dede b. Mehmed’in mülk evini kızına sattığı

Kasaba-i Hasköy mahallâtından Kiremitçi Ahmed Çelebi mahallesi sâkinlerinden Hasan Dede b. Mehmed meclis-i şer‘de râfi‘atü’l-vesîka Fâtıma nâm sulbiye kızı mahzarında ikrâr ve takrîr-i kelâm edip mahalle-i merkūmede vâki‘ bir tarafdan kendisinin menziline ve bir (tarafdan) Mehmed nâm kimesne mülküne ve bir tarafdan Yahya Karâyî nâm Yahudi mülküne ve bir tarafdan tarîk-i âm ile mahdûd bir tahtânî [mülk menzilimi?] kızım mezbûre Fâtıma’ya dört bin sekiz yüz akçeye bâtten bey‘ ve teslîm edip ol dahi minvâl-i [muharrer] üzre iştirâ ve tesellüm eyledikden sonra meblağ-ı mezbûr dört bin sekiz yüz akçeyi bi’t-tamâm yedinden ahz [u kabz e] yledim ba‘de’l-yevm menzil-i mezbûr mezbûre Fâtıma’nın mülk-i müşterâsıdır dedikde gıbbe’t-tasdîki’l-vicâhî [bi’t-] taleb ketb olundu. Fî evâhiri Şa‘bâni’l-mu‘azzam sene 1048.


Şuhûdü’l-hâl: Ahmed Çelebi b. Muslu, Veli? Beşe b. Abdullah?, Mehmed b. Ahmed, Mehmed Efendi el-İmâm